En il chantun Grischun èn las vischnancas responsablas per sanar las fermadas da bus tenor la Lescha federala davart l'eliminaziun dals dischavantatgs envers persunas cun impediments. Tenor quella lescha ston en spezial installaziuns dal traffic public vegnir adattadas respectivamain endrizzadas fin fin la fin 2023 uschia, ch'ellas èn adattadas per persunas cun impediments.
La Regenza vul accelerar vinavant la sanaziun da las fermadas da bus e dar in impuls finanzial da durada limitada, quai per sustegnair sanaziuns futuras. Perquai ha ella prolungà fin ils 31 da december 2024 il termin per inoltrar al chantun dumondas per contribuziuns chantunalas pli autas.
