Siglir tar il cuntegn

Header

cuntegn

Triep dal Beverin Sajettà in luf – dentant tgenin?

La surveglianza da chatscha ha sajettà in luf dal triep Beverin e quai la notg sin ils 9 da november. Quest mastgel haja stgarpà pliras giadas nursas da muntaneras protegidas en la Val Stussavgia.

I n'è dentant anc betg cler sch'i sa tracta dal bab-luf M92 – quel luf che la Confederaziun aveva lubì da sajettar la fin d'october. Quai stoppia l'analisa genetica cumprovar, scriva l'Uffizi da chatscha dal Grischun.

Nus na savain betg quants lufs mastgels ch'existan en il triep dal Beverin. Perquai na savain betg dir quant gronda che la probabilitad è che i sa tracta dal bab-luf.
Autur: Arno Puorger Uffizi da chatscha dal Grischun
audio
Per tadlar: Arno Puorger davart il mastgel sajettà
ord RTR Audio dals 10.11.2022.
laschar ir. Durada: 16 Secundas.

Cun in resultat da DNA per cumprovar tge luf ch'è vegnì sajettà quinta il chantun mez december.

Per nus e per las puras e purs en la regiun fiss quai optimal sch'i sa tractass dal M92.
Autur: Arno Puorger collavuratur academic Animals da rapina gronds

RTR novitads 09:00

Artitgels legids il pli savens

Scrollar a sanestra Scrollar a dretga