En gremis chantunals duain persunas da tut las trais linguas esser represchentadas. Quai empermetta la regenza grischuna suenter ch’il deputà Ilario Bondolfi ha crititgà ch’i manchia surtut represchentants da lingua taliana en gruppas da lavur u cumissiuns dal fatg.
Garantir ina represchentanza dal talian, rumantsch e tudestg vul la regenza grischuna cun adattar in passus en l’ordinaziun da linguas. Plinavant duai era il nov delegà per la plurilinguitad sensibilisar departaments ed uffizis chantunals da tschertgar persunas da tut las linguas chantunalas. Dacurt è Alberto Palaia vegnì elegì en quest post – el cumenza sia lavur il mars.
audio
Per tadlar curt e cumpact
ord RTR Audio dals 11.11.2021.
laschar ir. Durada: 1 minuta 12 Secundas.