Gia 25 onns è la tur da Domat sper l'autostrada A13 e fa reclama – ussa per ina firma da construcziun, l'entschatta per ina firma da puntanadas. La tur è 28 meters auta. Ed in u l'auter sa dumonda sche la tur è atgnamain legala en ina zona cun autezza maximala da 13,5 meters ed uschia bler pli bassa.
Il manader da l'uffizi da construcziun da Domat Ernst Schild po quittar. «La tur ha ina lubientscha sco tur da reclama» che la firma da puntanadas ha survegnì sco lubientscha extraordinaria.
La lubientscha extraordinara
Ernst Schild è persvas che la lubientscha per ina tala tur vegniss ussa betg pli dada. In sguard en il plan da zonas ed en il cataster mussa che la tur n'exista betg. Cun midar la construcziun da la tur avant in pèr onns en ina construcziun fixa e betg pli cun puntanadas fiss dentant ussa er quai dad actualisar. Ma cun esser ina tur da reclama valan autras prescripziuns.
