-
Bild 1 von 10. Uschia duaian las duas punts vesair ora il november 2019. Bildquelle: mad.
-
Bild 2 von 10. Il directur da la viafier retica Renato Fasciati fa in bainvegni a la badigliada. Bildquelle: RTR/ Angela Hendry.
-
Bild 3 von 10. Era il vicedirectur da la viafier retica, Christian Florin, declera davart la muntada da la punt "Sora Giuvna". Bildquelle: RTR/ Angela Hendry.
-
Bild 4 von 10. Las lavurs a la staziun da Rehanau/La Punt han gia cumenzà. Bildquelle: RTR/ Angela Hendry.
-
Bild 5 von 10. Vesta sin la punt veglia davent da l'insla. Bildquelle: RTR/ Angela Hendry.
-
Bild 6 von 10. Era quà èn ils luvrers huslis. Bildquelle: RTR/ Angela Hendry.
-
Bild 7 von 10. Karl Baumann è manader da la construcziun d'art da la viafier retica. Bildquelle: RTR/ Angela Hendry.
-
Bild 8 von 10. Enstagl d'ina badigliada preschenta Karl Baumann in model da la punt "Sora Giuvna". Bildquelle: RTR/ Angela Hendry.
-
Bild 9 von 10. La punt veglia vegn pir sanada cura che la punt nova è finida. Bildquelle: RTR/ Angela Hendry.
-
Bild 10 von 10. Model da la "Sora Giuvna" e da la punt veglia da fier. Bildquelle: mad.
La punt da fier maina ils trens sur il Rain posteriur e sur l’autostrada A13 ora. La segunda punt da fier vegn bajegiada gist sper la veglia. Per l’ina pon ils trens charrar sin dus binaris, per l’autra po la punt veglia da passa 120 onns vegnir sanada, ina giada che la nova è finida.
La nova punt è existenziala
Sche la punt veglia rumpess, ed i na dess betg ina nova, na pudessan ils trens da la Viafier retica betg charrar, di Karl Baumann, manader da la construcziun d’art da la Viafier retica. La punt cun il num «Sora Giuvna» haja persvadì surtut, perquai ch’ella prendia resguard sin la punt veglia. Quai saja stada la gronda sfida, conceda Andreas Galmarini, che ha concepì la punt cun ses team d’inschigners internaziunal.
Daners bun investids
Il project custa passa 32 milliuns francs. Per Renato Fasciati, il directur da la Viafier retica, n'è quai nagin schoc. Cun ils dus binaris possian ins evitar retards e laschar ir dapli trens. La «Sora Giuvna» saja in simbol per il svilup. Il november 2018 duai ella esser construida a fin. Lura van tut ils trens in onn sur ella – enfin che la veglia punt è sanada ed ins po duvrar omadus vials il november 2019.
RR actualitad 17:00