La svieuta è s'augmentada per passa 6% l'onn da fatschenta 2017/18, sin 27 milliuns francs. Il gudogn munta a 443'000 francs, l'onn avant eran quai anc cnap 300'000 francs.
Cuntrari n'ha dentant il resultat da la stad 2017 betg cuntentà las pendicularas d'Arosa. Prest 6% pli paucs giasts han fatg diever da las pendicularas. Uss duain dus projects procurar per impuls – il parc d'urs ed in nova ruta da velos al Hörnli.
