Siglir tar il cuntegn

Header

Purtret da Serneus.
Legenda: Claustra-Serneus vul midar il sistem politic da la vischnanca. Keystone
cuntegn

Ulteriur Grischun «4 gudogna plus» a Claustra-Serneus

«4 gudogna plus», sa numna la proposta per las novas structuras politicas a Claustra-Serneus. I saja sur tut stà impurtant da chattar ina proposta che repareschia puspè la fidanza en las instituziuns.

  • La nova proposta cumpeglia d'introducir ina radunanza communala che duai surprender intginas fatschentas ch'eran fin uss regladas sur l'urna.
  • Il cussegl communal duai vegnir pli pitschen.
  • La cumissiun da gestiun duai vegnir separada dal cussegl communal.
  • La cumissiun da construcziun duai vegnir valurisada pli ferm ed avair la cumpetenza da decider.
  • Plinavon duein ils commembers da las duas cummissiuns vegnir elegids a l'urna.

La proposta va uss a la suprastanza communala. Finamira è da pudair preschentar al cussegl communal in messadi a la sesida dals 21 da mars 2019.

«4 gudogna plus»

Personen-Box aufklappenPersonen-Box zuklappen

La proposta da la gruppa da lavur è ina varianta maschadada da las variantas proponidas oriundamain. Perquai hajan ins piglià il num d'ina da las vairantas «4 gudogna» ed agiuntà il plus.

La gruppa da lavur è sa cunvegnida da proponer a la suprastanza communala ed il cussegl communal be ina varianta. Ella scusseglia da laschar eleger tranter differentas variantas e cusseglia vinavant da surdar la proposta directamain a la cumissiun da la constituziun. Uschia vegnia evitada ina prolungaziun dal temp da la legislatura ed i vegnia evità da stuair spetgar ulteriurs quatter onns cun la nova furma.

Suveran ha gia refusà duas propostas

La fin dal 2017 veva il suveran da Claustra-Serneus detg cnap NA ad in niev sistem politic ed il zercladur dil 2018 ha il suveran refusau cun ina differenza da gnanc 100 vuschs l'iniziativa «radunonza communala enstagl da cussegl communal».

RR novitads 20:00