Siglir tar il cuntegn

Header

purtret dal lieu da l'accident.
Legenda: Jakobshorn a Tavau. MAD, Polizia chantunala
cuntegn

Accident mortal Um sparì mesemna è mort en lavina

A Tavau, en il territori da skis dal Jackobshorn, è in freerider vegnì la mesemna en ina lavina e mort.

L'um da 55 onns era vegnì annunzià sco sparì la saira suenter ch'el n'era betg pli turnà enavos en il lieu fixà. La Polizia chantunala grischuna, ha sinaquai instradà in'acziun da tschertga a l'engronda, hai num en la communicaziun. Gievgia bun'ura, ha la REGA lura pudì localisar l'um en in cugn dad ina lavina sut il Jatzhorn. Quai suenter in'acziun da passa 16 uras. L'um ha però be pli pudì vegnir chattà mort.

Cumpiglià en l'acziun eran il Club alpin svizzer cun chaus da lavina sco er spezialists da salvament da la Rega, la staziun da SOS dal Jakobshorn ed er la surveglianza da chatscha. Er da la Polizia chantunala èn divers posts stads en acziun ed il Careteam dal Grischun è stà a disposiziun per la parentella. Total èn 35 persunas stadas en acziun.

RTR novitads 09:00

Artitgels legids il pli savens

Scrollar a sanestra Scrollar a dretga