Siglir tar il cuntegn

Header

bajetg dal club «Viva» a Cuira
Legenda: Ina persuna che ha visità il club «Viva» en il Welschdörfli a Cuira è vegnida testada positivamain sin Covid-19. RTR, Flavio Deflorin
cuntegn

Cas da corona en club a Cuira Var 300 persunas ston ir en quarantina

Sco il possessur dal club, Simri Buchli, ha communitgà sur Facebook, saja ina persuna che haja visità il club sonda saira ils 3 d'october vegnida testada positiv sin il coronavirus. Quai muntia che tut ils var 300 visitaders stoppian ir en quarantina. Els vegnian infurmads anc en il decurs da questa gievgia cun in sms dal chantun, er cun indicaziuns, co sa cuntegnair.

El haja telefonà ditg e lung cun il vice-schefmedi da l'ospital chantunal, er per decider co ch'i duaja ir vinavant. A duas dumondas che plirs hajan gia tschentà, respunda Simri Buchli gist en il video

  1. Dastg'ins puspè ir or da la quarantina, sch'ins è stà quella sonda en il club ed ha laschà far in test ch'è negativ? – Na, tut ils var 300 visitaders stoppian star fin ils 13 d'october en quarantina.
  2. Tge èsi cun las persunas che vivan ensemen cun insatgi ch'è stà quella sonda en il club? Per quellas na dettia naginas prescripziuns. I saja simplamain da laschar far in test sch'ins haja sintoms.

Il club vegnia avert sco usità cun il concept da protecziun existent la proxima fin d'emna. Quai haja er il vice-schefmedi da l'ospital chantunal cusseglià. Il team sco er ils dj's hajan els remplazzà ed il local vegnia nettegià dal tuttafatg, uschia Buchli vinavant.

RTR novitads 15:00

Artitgels legids il pli savens

Scrollar a sanestra Scrollar a dretga