Siglir tar il cuntegn

Header

part dal flyer.
Legenda: Tschertgà: in num – cun in flyer ha la citad lantschà la concurrenza per denominar la punt nova. CDM
cuntegn

Cuira goes West Ma co pomai duai avair num la punt vers vest?

La citad da Cuira s'orientescha pli e pli vers ses vest. Vers la fin d'avust fan 440 persunas da 14 unitads da l'administraziun chantunala midada en il nov center Sinergia.

Midada fan:

Textbox aufklappenTextbox zuklappen
  • Departament d'economia publica e fatgs socials
  • Uffizi per economia e turissem
  • Uffizi per il svilup dal territori
  • Uffizi d'agricultura e da geoinfurmaziun
  • Uffizi per la segirezza d'aliments e la sanadad d'animals
  • Uffizi per industria, mastergn e lavur
  • Inspecturat dal register funsil e register da commerzi
  • Uffizi per la natira e l'ambient
  • Secretariat dal departament da construcziun, traffic e guaud
  • Uffizi da construcziun auta
  • Uffizi da guaud e privels da la natira
  • Uffizi d'energia e da traffic
  • Uffizi da chatscha e pestga
  • Centrala da stampat e material

Per savair colliar la citad veglia meglier cun il nov center en il vest è en fabrica actualmain gist sper il Welschdörfli ina punt per peduns e velocipedists. L'atun duai vegnir averta la punt – e perquai veglia quai in num per la punt, scriva la citad da Cuira en ina communicaziun a las medias. Cuira na vul betg x in num, las pretaisas èn autas:

Per savair dar a quest «Westweg», sper la construcziun spectaculara dad ina punt artgada, er in cumenzament incumparabel, duai la punt survegnir in num famus ed unic.
Autur: communicaziun da mediascitad da Cuira

Perquai sajan envidads ils da Cuira sco er interessads dad inoltrar fin la fin d'avust sut l'adressa www.brueckenname.ch, il link avra en ina nova fanestra ina proposta per la denominaziun. La meglra e pli adattada proposta vegnia lura tschernida dal Cussegl da la citad e «francada en avegnir en il territori da citad», finescha la citad ses appel a la creativitad publica.

La citad da Cuira ha gia fatg experientschas cun la creativitad publica – l'ultim'idea da la «Chasa dals chors» a la plazza Arcas ha dentant fatg naufragi la fin da zercladur.

RTR novitads 14:00

Artitgels legids il pli savens

Scrollar a sanestra Scrollar a dretga