L'ordinaziun davart la protecziun cunter la canera dat avant limitas per la canera da plazzas d'armas. Mesiraziuns dal 2014 han mussà, che la plazza d'armas en il Rossboden a Cuira chaschuna memia blera canera e ch'i dovra mesiras per reducir quella. Tenor lescha ston talas sanaziun esser terminadas il pli tard la stad il 2025.
La Confederaziun, il chantun Grischun e las vischnancas Cuira e Favugn èn dentant sa cunvegnids, che quai duai ir pli spert. A Cuira e Favugn sajan numnadamain pertutgadas fitg bleras persunas.
Responsabel per la sanaziun è l'Armada svizra ensemen cun l'Uffizi federal da l'armament (armasuisse). Ina gruppa cun represchentants dal chantun, da Cuira e da Favugn accumpogna las mesiras per reducir la canera.