Il management director dal WEF, Alois Zwinggi aveva fatg dependent il return da bunas cundiziuns da basa. En il passà avevan pretschs exagerads durant il WEF numnadamain adina puspè vilentà la clientella.
Hotel Gastro Tavau haja gì intgins discurs constructivs cun ils hotels gronds da la regiun. Tuts sajan cuntents ch'il WEF turnia a Tavau, ma uss saja er la parahotellaria dumandada.
Sche tut giaja tenor plan, duai il WEF avair lieu il 2022 dals 17 fin ils 21 da schaner. Ins saja gia vid las preparaziuns. Divers discurs haja gia dà tranter represchentants dal WEF, la politica, il commerzi ed il turissem. Tranter auter sajan er temas sco il traffic e las pernottaziuns vegnidas discutadas.
audio
Per tadlar curt e cumpact
ord RTR Audio dals 22.04.2021.
laschar ir. Durada: 58 Secundas.
