Siglir tar il cuntegn

Header

cuntegn

Furna Approvà contribuziun a la Prättigau Tourismus

La radunanza communala da Furna ha approvà mesemna saira la contribuziun a la Prättigau Tourismus GmbH . I sa tracta da 18'100 francs ad onn.

Actualmain vegn er discutà en il Partenz davart il parc natiral Rätikon. Quai è in project sumegliant al Parc Ela u la Biosfera Val Müstair. Cura ed en tge furma che quel vegn realisà ha er influenza sin la Prättigau Tourismus GmbH. Davart il parc natiral Rätikon vegn decidì fin la fin da l'onn.

Video
Parc natiral internaziunal Rätikon
Or da Actualitad video dals 17.08.2017.
abspielen

Er vegnì approvà è il quint annual dal 2018. Quel serra cun in plus da ca. 270'000 francs.

Sanaziun via Danusa

Plinavant ha la radunanza communala approvà in credit da 40'000 francs per la segunda etappa da la renovaziun da la via Danusa. Planisà è da sanar las parts: Riedji – via laterala Börtj; val Duchel – Ronabord; part Wölfli. Las ulteriuras parts da la via Danusa duain vegnir sanadas pir en ina terza etappa.

RR novitads 06:00