Cusseglier federal Guy Parmelin ha prendì part l'avantmezdi dal prim d'avust al brunch da la fundaziun Plankis a Cuira. Là è el s'inscuntrà cun represchentants da l'Uniun purila grischuna ed ina gruppa da politichers grischuns.
1 / 9
Legenda:
Strusch è Cusseglier federal arrivà ch'el survegn in regal dal president da l'Uniun purila Grischuna, Thomas Roffler.
RTR, Flurin Clalüna
2 / 9
Legenda:
Lura hai num salidar in l'auter: Il president dal Cussegl grond Allessandro Della Vedova e Parmelin èn sa decidids per il salid cun il cumbel.
RTR, Flurin Clalüna
3 / 9
Legenda:
Cun auters politichers vegni dà il pugn enstagl dal maun.
RTR, Flurin Clalüna
4 / 9
Legenda:
Suenter avair salidà l'entira raspada va il Cusseglier federal direcziun brunch.
RTR, Flurin Clalüna
5 / 9
Legenda:
Paun, chaschiel, tarschola ed autras tratgas tipicas per il prim d'avust han giasts pudì sa laschar gustar.
RTR, Flurin Clalüna
6 / 9
Legenda:
Ma, il minister d'economia è er vegnì en Grischun per tegnair in pled dal prim d'avust.
RTR, Flurin Clalüna
7 / 9
Legenda:
Er al bain puril Plankis regordan las tavlas ed il med dischinfectant da la situaziun actuala.
RTR, Flurin Clalüna
8 / 9
Legenda:
Il persunal che fa ils ovs en paintg porta per exempel in visier.
RTR, Flurin Clalüna
9 / 9
Legenda:
La distanza tranter ils participants vegn però adina pli pitschna.
RTR, Flurin Clalüna
Parmelin accentuescha impurtanza da fidanza
En ses pled da festa da var tschintg minutas ha il minister d'economia Guy Parmelin l'emprim engrazià per l'invit sco er fatg attent a la rolla impurtanta dals purs. Lura ha el accentuà quant impurtant ch'igl è da fidar in a l'auter – quai valia cunzunt per temps da crisa sco quai che nus hajan uss.
Senza fidanza n’è ina vita da fatschenta simplamain betg pussibla.
I saja impurtant che la populaziun possia avair fidanza en la politica, ma il medem mument stoppia la politica er pudair fidar a la populaziun.
La saira tegna Guy Parmelin anc in pled a Cavaione en Val Puschlav.
