Siglir tar il cuntegn

Header

cuntegn

Halla da glatsch a Tavau Standards etics minimals per sponsurs

Per sponsurs da la halla da glatsch a Tavau duain valair standards etics minimals. Quai pretenda ina moziun al parlament da Tavau da la socialdemocrata Ladina Alioth. Motiv per la moziun è il maletg da dunnas spretschant che Buser ha mussà en ina contribuziun dal Sportpanorama da SRF. Ils moziunaris fan quitads per la reputaziun dal HCD sco er da la vischnanca Tavau.

Pli probabel vegn Buser era en futur a far vinavant cun sias acziun maldetschentas e sexisticas. Offensiuns tranter Buser ed il president dal HCD Domenig han gia procurà il matg 2020 per emprimas lingias grossas. Ina haja l'impressiun ch'il HCD e la vischnanca da Tavau giaja d'accord cun la posiziun da Buser. Era en temp da corona nua ch'ins saja avisà sin meds finanzials stoppia ins resguardar standards etics minimals.

Nagina colliaziun cun il num Peter Buser

Sco emprim pass na dastgia il num da Peter Buser betg esser collià cun il stadion da glatsch a Tavau vegn scrit. Il num Peter Buser dastgia en nagin lieu vegnir fermà en la halla da glatsch ed era betg sco part dal num d'ina fundaziun.

Ord l'archiv

video
Das ist der neue Stadionsponsor des HC Davos
Or da sportpanorama dals 15.12.2019.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga