Durant ils davos indesch dis plain sulegl hai dà in record han 10 pertschient dapli fans dal umor visità il festival che l'onn passà. Quai ha ditg il directur dal festival Frank Baumann. In terz da las represchentaziuns sajan stadas vendidas ora e per il program da Divertimento sajan ils bigliets schizunt stads davent suenter 30 minutas.
Pervi da quel success hajan ils organisaturs dal festival decidì per l’emprima giada, da vender gia quest onn bigliets per l’onn proxim, scrivan els en ina communicaziun da medias.
Arbajas per ina spierta spiertusa
La raschun per il success tar il public saja stà il program cun la crème de la crème da la scena da comedy, ch’è rivada quest onn ad Arosa. Da la partida eran Hazel Brugger, Frölein Da Capo, Divertimento, Oropax, Gardi Hutter, Victor Giaccobbo, Marco Rima ed anc divers auters.
Pascal Jenny, directur da turissem dad Arosa, vesa la gronda accoglientscha dal public sco conferma per la via, ch’ils organisaturs dal festival hajan fatg.
Igl è grategià a nus, da far da quest’occurrenza unica en las muntognas dad Arosa in classicher ed ina tur da signal culturala.
Il program per l’ediziun 26 il december 2017 saja quasi gia fatg e vegnia publitgà la primavaira che vegn, scrivan ils organisaturs.
RR novitads 18:00
