Siglir tar il cuntegn
Inhalt

Ulteriur Grischun La nova punt è pronta

La Viafier retica ha inaugurà la nova punt a Reichenau. Igl emprim tren va suravia ils 4 da november. Il medem mument vegn renovada la punt veglia.

Legende: Video La nova punt a La Punt/Reichenau è pronta abspielen. Laufzeit 03:30 Minuten.
Or da Telesguard dals 18.10.2018.

Avant ch'ils emprims trens van sur la punt ha la Viafier Retica anc fatg differents tests. Tranter auter han els era fatg tests da squitsch. Suenter ina ultima controlla generala da la punt ha il manader da construcziun Karl Baumann suttascrit in protocol. Cun quai è la punt cul num «Sora Giuvna» pronta per ils trens.

A partir dals 5 da november renovescha la Viafier retica la punt veglia. Els midan tranter auter ora divers elements da fier. Fin ch'ella è puspè pronta dura quai circa in onn. Suenter vegnan tut las duas punts duvradas. Las duas punts e tut la tecnica enturn custa var 36 milliuns francs.

Er en futur punctual

Il mument n'èsi betg pussibel da cruschar dus trens a Reichenau. In sto adina spetgar. Per schliar quest problem ha cumenzà il 2015 la construcziun da la segunda punt. Cun in binari dubel saja er en futur pussibel che tut ils trens arrivan punctual.

TR Telesguard 17:40 / RR Actualitad 07:00