Siglir tar il cuntegn

Header

In scolar che emprenda a chasa.
Legenda: Ils scolars e las scolaras da Zizers ston in'emna far scola davent da chasa. Keystone
cuntegn

Pervi da cas da corona Zizers mida per in'emna sin scola a distanza

L’ultima emna avant las vacanzas da sport mida la scola da Zizers sin scola a distanza. La raschun sajan stads divers cas da corona en pliras classas, rapporta il portal da novitads «GR heute». Anc avant in'emna saja la scola ida or da quai ch'il virus mutà pertutgia be ina classa a Zizers. Entant sajan però uffants e giuvenils en diversas classas vegnids testads positiv sin Covid-19.

Cun la midada sin instrucziun a distanza vulan las autoritads impedir, ch’il virus sa derasia anc pli ferm. Suenter las vacanzas da sport vul Zizers puspè midar sin instrucziun cun preschientscha en classa.

audio
Per tadlar: Las novitads da las 17:00
06:07 min, RTR Audio dals 21.02.2021.
laschar ir. Durada: 06:07 minutas.

RTR novitads 16:00

Artitgels legids il pli savens

Scrollar a sanestra Scrollar a dretga