Siglir tar il cuntegn

Header

cuntegn

Prender a tschains e-bikes A Cuira duai dar velos electrics per tuts

En autras citads svizras datti gia quest service: Prender a tschains in e-bike per charrar tras la citad. Uss vul era Cuira porscher la pussaivladad da prender a tschains velos electrics.

Ina staziun da velos a Berna
Legenda: Keystone

L'idea saja vegnida dal chantun, ha ditg Markus Kunz dal IBC – il manaschi industrial da Cuira – al schurnal regiunal da radio SRF. Surtut cun il bajetg «Sinergia» ch'unescha l'administraziun chantunala a l'ur da la citad da Cuira, saja il basegn per dapli mobilitad avant maun.

Projects dad e-bike-sharing èn en il trend en l'entira Svizra.
Autur: Markus Kunz IBC

Tgi che dovra in velo electric duai pudair reservar quel via ina app sin il telefonin. Quant ch'il prender a tschains in velo custa, n'è an betg cler. Era nua che las staziuns per ils e-bikes duain esser en la citad, stoppian ins anc definir – probabel a la staziun e tar il bajetg da l'administraziun chantunala «Sinergia».

L'entschatta november vegn il project scrit ora per chattar in gestiunari dal service dad e-bikes a Cuira.

audio
Mezdi: Cuira – Velos electrics per tuts
ord Actualitad dals 30.10.2019.
laschar ir. Durada: 1 minuta 32 Secundas.

RR actualitad 11.00

Artitgels legids il pli savens