Siglir tar il cuntegn

Header

audio
Scolas bilinguas: Sfidas da l'instrucziun immersiva
Or da Actualitad dals 25.11.2020.
laschar ir. Durada: 02:52 minutas.
cuntegn

Scola bilingua a Cuira Avantatgs e dischavantatgs da l'instrucziun immersiva

Matematica e chant per rumantsch, ambient e gimnastica per tudestg. Uschia pudess l'urari en la scola bilingua a Cuira vesair or. En l'uschenumnada instrucziun immersiva emprendan ils scolars in rom e betg en emprima lingia ina lingua. Quai haja avantatgs e dischavantatgs.

La scola da Cuira porscha dapi passa 20 onns ina scola primara bilingua. Ils scolars han là instrucziun immersiva. Vul dir: Els emprendan roms d’instrucziun en ina lingua estra. Tenor il linguist Gian-Peder Gregori ha quest'instrucziun surtut in avantatg.

Emprender immersiv è pli sumegliant a l'emprender natiral che blera instrucziun da grammatica.
Autur: Gian-Peder Gregorilinguist

En la scola bilingua a Cuira vegn ina mesadad dals roms instruida per tudestg e l'autra per rumantsch u talian. Scolars che fan la scola tudestga hajan per exempel mo duas fin trais lecziuns per emna talian. A la fin da la sisavla classa sajan quai tenor il linguist «dus munds» differents puncto cumpetenza linguistica.

Grammatica manchia tuttina

L'instrucziun dal rom rumantsch manca dentant en la scola bilingua a Cuira. Surtut, cura ch'ils uffants èn pli vegls manca lura ina savida pli profunda da la lingua. Vinavant funcziuneschia l'instrucziun immersiva mo, sch'ils linguatgs vegnan er discurrids ordaifer la scola. Ils geniturs dals scolars hajan qua ina rolla impurtanta.

Il linguist Gian-Peder Gregori preferiss perquai in sistem cun instrucziun immersiva, ed a partir da la segunda u terza classa lecziuns da rumantsch.

RTR actualitad 07:00

Artitgels legids il pli savens

Scrollar a sanestra Scrollar a dretga