Bunamain 80% da las votantas e dals votants da la citad da Cuira han ditg GEA a la fusiun cun la vischnanca Haldenstein. Il contract da fusiun vala per 15 onns. La fusiun è planisada per il 1. da schaner 2021.
Preinstanzas han gia approvà fusiun
Il cussegl da la citad da Cuira era gia s'exprimì unanim per la fusiun cun Haldenstein. Ed er il suveran da Haldenstein aveva gia approvà la fusiun il november, quai però be cun ina differenza da duas vuschs (253 vuschs Gea, cunter 251 vuschs Na). Las bleras discussiuns avevi dà pervi da las finanzas.
Legenda:
Haldenstein è ina pitschna vischnanca cumpareglià cun la citad da Cuira - dentant betg quai che pertutga la surfatscha.
Grafica RTR
Gia oz collavuran Haldenstein e Cuira stretg en ils secturs scola superiura, pumpiers, lavuratori communal e finanzas. Er suenter la fusiun restass la scola primara a Haldenstein.
audio
Per tadlar: Las novitads da las 15:00
ord Novitads dals 09.02.2020.
laschar ir. Durada: 6 minutas 53 Secundas.RTR votaziuns 14:00