Il parc dad urs ad Arosa survegn bainbaud dus novs cussadents. L'organisaziun per la protecziun d'animals «Vier Pfoten» salva en l'Albania dus urs che vegnan tegnids en in'ustaria. Ils dus urs brins vegnian tegnids a moda nunfavuraivla sin 60 meters quadrat. Il mastgel e la femella da 13 onns vegnian anc transferids quest mais ad Arosa. Actualmain vegnian sclerids ils detagls, co transportar ils dus animals da l'Albania ad Arosa.
Il parc d'urs ad Arosa ha plaz per fin tschintg urs. Fin ussa viva qua be l'urs Napa – quai dapi la stad passada.
RR novitads 08:00