Il gliendisdi ils 4 da schaner è stà l’emprim di da lavur da Gabriella Binkert Becchetti. Ella è l’emprima dunna che surpiglia il presidi da la Val Müstair, l’emprima presidenta communala da la vischnanca fusiunada avant 11 onns.
La sfida è da procurar per armonia.
Trais giadas ha ella candidà, la terza giada èsi gartegià. Il settember passà è ella vegnida elegida cun ina vusch dapli che la maioritad absoluta. Tenor la nova presidenta communala Gabriella Binkert Becchetti han las elecziuns dividì la val. Ina da sias gronds sfidas saja ussa – da procurar per armonia per che tuts lavurian per la medem chaussa, per il bainstar da la val.
