Sco Johannes Hedinger, il curatur da la «Art Safiental Biennale» ha ditg envers la FMR, hajan passa 10'000 persunas visità l’exposiziun d’art en la Val Stussavgia. Pervi da la crisa da corona haja la tematica «Analog-Digital» survegnì in’actualitad nunspetgada.
Ils organisaturs discurran d’in success, era sche l'academia ha pervia da Covid-19 pudì prender be la mesadad dals artists ch'eran previs, persuenter han quels pudì profitar dublamain. Il focus da l'exposiziun d’art era sin lavurs participativas ed orientadas al process. Uschia hai dà bleras lavurs ch'èn sa sviluppadas durant la Biennala e talas che vegnan aunc sviluppadas vinavant.
Promoziun d’artists
Tar l’exposiziun d’art tutga era la «Alps Art Academy» nua ch’artists giuvens ed auters pon sur pli lung temp lavurar e sviluppar projects d’art.
