Siglir tar il cuntegn

Header

las bialas ivas alvas vegnan tagliadas
Legenda: Tagliar, tagliar, tagliar – La forsch d'iert accumpogna vendemiadras e vendemiers l'entir di. RTR, Pietro Jacomet
cuntegn

Vendemia a Maiavilla Las davosas ivas èn sut tetg

Venderdi passà èn las ultimas ivas alvas e blauas da la famiglia Lipp a Maiavilla vegnidas racoltadas. Ina reportascha.

Giuven e vegl, pign e grond, da lunsch e datiers – radund vegn persunas han raccoltà ivas sin las parcellas da la famiglia Lipp a l'ur da Maiavilla. La vendemia saja mintg'onn in eveniment spezial, raquintan gidantras e gidanters:

Per mai è quai fitg meditativ ed i dat era in'autra relaziun tar il product final.
Autur: Vendemiader da Tavau
Raccoltar n'è betg lavurar. Quai è plaschair e remuneraziun.
Autur: Vendemiadra da Maiavilla
Ina sentupada da generaziuns – pitschen e grond gidan cun.
Legenda: Ina sentupada da generaziuns – pitschen e grond sa gidan. RTR, Pietro Jacomet

Qualitad constat – quantitad betg

En cumparegliaziun cun la media dals davos onns quinta Carina Lipp cun 30-40% pli pauca racolta. Igl avess dentant anc pudì esser dapli:

En cumparegliaziun cun autras parcellas en il Signuradi n'avain nus betg gì donns da granella e pauca furmaziun da glatsch
Autur: Carina Lipp-Kunzviticultura da Maiavilla

La buna primavaira haja l'entschatta anc sugerì ch'i vegn tar in bun onn. Las bassas temperaturas il zercladur han dentant fatg che las ivas n'èn betg fluridas uschia sco giavischà. Cun la qualitad è la viticultura dentant fitg cuntenta.

tractor oransch cun bler glieud enturn
Legenda: Chargià e davent – cun quest pitschen tractor vegnan las ivas transportadas davent da las vits. RTR, Pietro Jacomet

Fin ch'il vin è qua, vai anc in amen...

La lavur sin il funs è ida a fin il davos venderdi. Las davosas ivas nairas ed ivas alvas èn sut tetg. La lavur per in bun vin 2020 cumenza dentant pir da dretg, uss en il tschaler. Ma almain stoppian ins uss betg pli guardar trasora sin la prognosa da l'aura, di la viticultura da Maiavilla cun in surrir.

iva alvas
Legenda: Ina trocla iva alva che sa tschenta in di en ina buttiglia Chardonnay. RTR, Pietro Jacomet

Artitgels legids il pli savens

Scrollar a sanestra Scrollar a dretga