Persunalitads grondas han discurrì, ferms pleds han els prendì en bucca, grondas empermischuns han els fatg. Il fundatur dal WEF Klaus Schwab sa mussa cuntent cun la 50avla ediziun dal WEF:
La midada dal clima è stà in tema omnipreschent en ils pleds dals politichers e las politichras – sco da la presidenta da la Confederaziun Simonetta Sommaruga, la presidenta da la Cumissiun europeica Ursula von der Leyen e la chanceliera tudestga Angela Merkel. Ellas tuttas han empermess mesiras per fermar il stgaudament dal clima.
La critica dals activists ch'il WEF n'haja nagin effect, na lascha Klaus Schwab valair. I dettia buns exempels da firmas che veglian s'engaschar per il clima, per exempel Microsoft, respunda el.
Er il chantun è cuntent
Er la cumissiun WEF da la Regenza grischuna fa bilantscha positiva. Il Grischun e Tavau hajan er quest onn offert cundiziuns idealas per il WEF. Ed era la Regenza grischuna saja sa scuntrada cun represchentants da l’economia, dad auters chantuns e da la Confederaziun.
Per tadlar: Tge è capità il ultim di dal WEF?
RTR novitads 15:00 / Actualitad 17:00