Ils motivs che gist quatter da las tschintg plazzas èn vacantas sajan divers, manegia il president actual da l'uniun da pestga grischuna Radi Hofstetter. Per pli saja il cumportament en il temp liber in grond factur. La glieud na saja betg pli pronta d'avair termins fix er en il temp liber.
Actualmain han ins ina persuna che ha gia consentì per ina plazza en la suprastanza ed ina segunda nua ch'ins è bunamain d'accord cun las premissas. Sche quellas duas persunas vegnan lura en la suprastanza, vegn decidì la fin da mars a la radunanza da delegads.
Tenor las statuas bastan trais persunas en la suprastanza. A lunga vista dovr'ins però dapli persunas, managia il president actual. Tut tenor ha l'uniun en avegnir da far ina restructuraziun pli gronda, per pudair exister enavant. Ina collavuraziun cun in'uniun d'in auter chantun u in copresidi fissan forsa opziuns.
Or da l'archiv:
