Uniun SRG.R - Elena Luzio duai suandar sco presidenta a Vincent Augustin
Elena Luzio duai surpigliar il presidi da la SRG.R da Vincent Augustin, quai propona la suprastanza da la SRG.R. I sa tracta dal presidi da l’uniun purtadra da Radiotelevisiun Svizra Rumantscha.
Il president actual Vincent Augustin sto chalar tenor statuts sco president, cunquai ch’el accumplescha quest onn 70 onns. El è dapi il 2018 president da la SRG.R.
Legenda:
Elena Luzio è actualmain vicepresidenta da la SRG.R.
SRG.R
La suprastanza da la SRG.R ha proponì Elena Luzio sco sia successura, ella è actualmain vicepresidenta da la SRG.R. Luzio ha 44 onns, è oriunda da Savognin ed abita a Turitg.
Tge è la SRG.R?
Avrir la boxSerrar la box
La SRG.R è la societad purtadra da l’interpresa Radiotelevisiun Svizra Rumantscha (RTR). Ensemen cun las societads purtadras da la Svizra tudestga, Svizra taliana e Svizra franzosa furma ella la societad SRG SSR.
La SRG.R represchenta la Svizra rumantscha en il sectur radio, televisiun e multimedia e procura cun sia unitad d’interpresa RTR per ils programs rumantschs.
Ella ha radund 1000 commembras e commembers. La commembranza è averta a tut las persunas. Ins po er daventar commembra sco uniun, fatschenta u vischnanca.
Tranter auter ha ella fatg in «Executive Master of Business» a Son Gagl ed ha lavurà en differentas funcziuns directivas tar las Viafiers federalas e dapi il 2022 è ella commembra da la direcziun da Scheuchzer SA, ina firma cun radund 500 collavuraturas e collavuraturs.
Thomas Malgiaritta en suprastanza
Sche la radunanza elegia Elena Luzio sco presidenta vegn liber in post en suprastanza. Per quel propona la suprastanza Thomas Malgiaritta da Müstair.
Legenda:
La suprastanza propona Thomas Malgiaritta per la suprastanza.
SRG.R
La radunanza generala da la SRG.R è ils 30 da matg a Glion.
