Uvestg vul 1,2 milliuns francs da la baselgia catolica da Turitg

L'uvestg da Cuira Vitus Huonder pretenda 1,2 milliuns francs da la baselgia catolica dal chantun Turitg. Quai rapporta la «Sonntags Zeitung». I sa tractia da daners ch'il uvestgieu da Turitg haja retegnì ils onns 1990.

Uvestg Vitus Huonder posescha per ina fotografia. Bild in Lightbox öffnen.

Legenda da maletgs: L'uvestg Vitus Huonder pretenda d'avair detg moral sin 1,2 milliuns francs. Keystone

Ils daners avessan pudì gidar da cofinanziar la separaziun da Turitg da l'uvestgieu da Cuira. Ina discussiun davart la separaziun da Turitg è dentant sa calmada il mars. Lura eran las baselgias chantunalas da l'uvestgieu Cuira s'exprimidas cunter ina separaziun.

Uvestg Huonder pretenda «dretg moral»

Perquai s'exprima l'uvestg Vitus Huonder d'avair in «dretg moral» sin quels daners. Uschia saja scrit en ina charta da l'uvestgieu als catolics da Turitg, che la «Sonntags Zeitung» ha a disposiziun. Tenor la gasetta veglia l'uvestg sustegnair cun ils daners adversaris da l'abort e duvrar quels per renovar il chastè da l'uvestgieu a Cuira.

Per il president dal cussegl sinodal da Turitg sajan las pretensiuns da Huonder arbritrarias. El temmia ussa novs protests cunter Vitus Huonder.

RR novitads 09:00