Siglir tar il cuntegn

Header

cuntegn

Vacanzas en Grischun Bun'aura munta buna stagiun d'atun

Las vacanzas d'atun èn passadas. Grischun Vacanzas sa mussa cuntent. Puspè han blers giasts svizzers chattà la via en il Grischun. Ils giasts internaziunals hajan anc adina retegnientschas, uschia Luzi Bürkli, il pledader da medias da Grischun Vacanzas.

Circa tuttina blers giasts sco l’onn passà. Uschia vesa Luzi Bürkli, il pledader da medias da Grischun Vacanzas la situaziun durant la stagiun d’atun. Quai saja fitg agreabel damai che la pandemia saja anc adina omnipreschenta. Er agreabel saja stà ch’ils giasts hajan chapientscha per l’obligatori da certificat da corona. Cunzunt blers Svizzers – tranter auter blers da la Romandie – hajan chattà la via en las muntognas. In motiv pertge che la stagiun saja stada buna saja l’aura fenomenala da las davosas emnas sco era il basegn da sa muventar en la natira.

audio
Vacanzas d'atun: Grischun Vacanzas tira bilantscha positiva
ord Actualitad dals 22.10.2021.
laschar ir. Durada: 1 minuta 1 Secunda.

Giast internaziunals mancan anc adina

Ussa sco era gia la stad dettia bler pli pauc giasts da l’exteriur. En quest sectur saja la pandemia anc adina da sentir fermamain, malgrà ch’i è puspè sa meglierà en il decurs dal temps. Mo sin il nivel sco anc avant corona na sajan ins anc ditg betg.

RTR actualitad 08:00

Artitgels legids il pli savens