Siglir tar il cuntegn

Header

cuntegn

Val Bregaglia Ils Bregagliots han da pajar dapli taglia

Suenter ina discussiun animada ha il suveran da la vischnanca Bregaglia approvà il preventiv 2023 cun 73 vuschs Gea e 30 abstenziuns. Sco che la chanzlista Giulia Giovanoli ha ditg envers RTR saja la raschun per l'augment dal pe da taglia dad 80% sin 90% surtut las investiziuns che la vischnanca haja da far ils proxims onns.

Investiziuns da 30 milliuns francs

Ils proxims sis onns èn surtut prevesidas investiziuns per il project da reconstrucziun a Bondo, per in project d’ina nova scola a Malögia ed in parcadi a Soglio.

Ina nova scola daventa necessaria, causa ch’il dumber da scolaras e scolars saja creschì. Quai tranter auter er sco effect suenter Covid-19. Plirs possessurs da segundas abitaziuns da l’Italia sajan sa domiciliads a Malögia e lur uffants frequentan là la scola bilingua, uschia Giulia Giovanoli. Il schaner 2023 vul la vischnanca infurmar pli detagliadamain en chaussa.

Ultra da quai ha la radunanza communala Bregaglia er approvà in augment da la taglia sin immobiglias da 1,25‰ sin 1,5‰. Ditg Gea han ils votants er a la nova lescha per il center da sanadad «Centro Sanitario Bregaglia», ina prolungaziun da la concessiun per la chava da crappa «Böcc» ed il project «Creista Malögia».

audio
Per tadlar: curt e cumpact
ord RTR Audio dals 25.11.2022.
laschar ir. Durada: 1 minuta 2 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga