Ils 23 d'avust 2017 èn crudads giu radund quatter milliuns m³ crappa sur Bondo / Val Bregaglia e silsuenter è ina bova ida a val. Ils abitants han stuì bandunar lur chasas ed abitaziuns. Entant han els pudì turnar a chasa. I dat dentant anc adina bler da rumir e da metter en urden.
Turgovia porscha agid
Dapi la disgrazia è il servetsch da protecziun civila dal Grischun en acziun. La fin d'october ha el dentant stuì vegnir distgargià. Il Grischun ha dumandà il chantun Turgovia per agid e quel ha dà suatientscha. Var 270 commembers da la protecziun civila gidan fin ils 15 da december a rumir. Ils custs da 25'000 francs surpiglia il chantun Turgovia.
RR novitads 06.00
