Vischnanca Bregaglia - In milliun francs dapli per reconstruir Bondo

La vischnanca da la Bregaglia metta a disposiziun ulteriurs daners per la reconstrucziun da Bondo. Quai ha decis gievgia saira la radunanza communala. Ils custs actuals per il preproject da reconstrucziun che cumpiglia tranter auter mesiras urgentas sco il rumir e deponer material, muntan a 11,6 milliuns francs. Perquai ch’ils custs actuals vegnan ad esser pli auts ch’il credit da 12 milliuns francs che la vischnanca aveva approvà avant dus onns, vegn uss in’ulteriur milliun mess a disposiziun. Previs è ch'il chantun e la Confederaziun subvenziuneschan 90,8% dals custs.