Il dumber da passagiers saja sa sminuì sin 60% dapi ch’il Cussegl federal haja cusseglià da lavurar en il homeoffice, di la pledadra da la Viafier retica, Yvonne Dünser.
Durant l'emprima unda da corona era il dumber da passagiers sa reducì dapli – fin giu sin 20% dals passagiers durant il lockdown.
La stad saja il dumber da passagiers puspè creschì, n’haja dentant betg pli cuntanschì in nivel usità, di Yvonne Dünser. Sin las lingias turisticas dal Bernina e dal Glacier Express hajan mancà ils osps internaziunals.