Siglir tar il cuntegn

Header

video
Spustament dal viaduct da Castiel
Or da Telesguard dals 21.05.2024.
laschar ir. Durada: 35 Secundas.
cuntegn

Viafier Retica Viaduct da Castiel spustà a moda spectaculara

Suenter in'ura e mesa èsi stà fatg ed il viaduct nov da Castiel ha puspè collià las duas spundas en il Scanvetg. Sco quai che la Viafier retica ha communitgà, sajan las lavurs vegnidas fatgas sonda passada. Il viaduct nov era vegnì construì gia pli baud sper il viaduct vegl. Enfin ch'ils trens tranter Cuira ed Arosa pon puspè cursar sto la Viafier retica ussa però anc drizzar ils binaris e montar la lingia electrica.

Fin la fin da matg na datti uschia nagina colliaziun da tren tranter Cuira ed Arosa. L'avertura dal nov viaduct da Castiel è planisada ils 27 da matg.

Il viaduct vegl da Castiel era vegnì siglientà l'emna passada. Quel aveva 110 onns e donns gravants vi da la construcziun.

video
La fin abrupta dal viaduct da Castiel
Or da Telesguard dals 13.05.2024.
laschar ir. Durada: 3 minutas 23 Secundas.

Sguard enavos

La punt n'ha betg pli tegnì ora il squitsch da la spunda. La spunda è sa muventada durant onns ed ha chaschunà sfessas en la construcziun d’atschal, uschia ch'ina reparatura n’è betg pli stada pussaivla. I n'è restà nagut auter che da construir ina nova.

Igl ha dà duas grondas sfidas: Ils trens han stuì pudair circular durant las lavurs da construcziun ed il lieu da lavur è stà fitg stretg, senz’in access d’ina via. Per che la nova punt che custa 13 milliuns francs n'haja suenter paucs decennis betg il medem destin sco la veglia, pon ins adattar sia lunghezza per in meter e mez en il decurs dal temp ed ella n’ha betg pli pilasters che fissan en terren instabil.

Castielviaduct Baustelle
Legenda: Plazzal cun nova punt construida sin palancads dasperas. Bänziger Partner AG

RTR novitads 16:00

Artitgels legids il pli savens