La vignetta è numnadamain obligatorica per tut ils vehichels e per tut las remortgas fin a 3,5 tonnas e custa 40 francs. Sper la classica vignetta da tatgar, datti dapi l'onn 2023 er la vignetta electronica. Quella sa po cumprar online (e-vignette.ch). Tut las duas variantas èn equivalentas.
Il pledader da las medias da la polizia chantunala, Roman Rüegg, declera co che la polizia controllescha tut las duas variantas:
La vignetta electronica vegn numnadamain controllada cun il numer da l'auto. La polizia endatescha quel numer da l'auto en in sistem e po uschia controllar la validitad da la vignetta. E tge capita sch'ins è sin via senza ina vignetta valabla?
Tuttina sche la vignetta da tatgar u la vignetta electronica: A partir dal 1. da favrer as sto en mintga cas avair ina vignetta valabla per l'onn 2026. Quella vala lura puspè fin ils 31 da schaner 2027.