Siglir tar il cuntegn

Header

video
Campagna Gea per il nov campus da la FHGR
Or da Telesguard dals 24.01.2023.
laschar ir. Durada: 3 minutas 15 Secundas.
cuntegn

Votaziuns 12 da mars Campagna per il Gea per il nov campus da la FHGR è lantschada

I va per in credit dal chantun da 151 milliuns francs. Tenor il promotur dal project, Jürg Kappeler, fiss in Na ina catastrofa.

Ils 12 da mars decida il suveran grischun davart la realisaziun dal nov campus da la Scol'auta spezialisada dal Grischun a Cuira. I va per in credit dal chantun da 151 milliuns francs. Il Cussegl grond ha deliberà il credit senza cuntravusch en october. En tut planisescha il chantun investiziuns da 178 milliuns francs (151 milliuns da chantun e 27 milliuns francs da la Confederaziun), quai fiss il pli char project ch'i ha dà en il Grischun fin ussa.

Nus avain en il mument ina gronda mancanza da persunal qualifitgà, nus stuain far in pass vinavant
Autur: Jürg Kappeler President da l'Uniun da promoturs per la FHGR

Visavi la scola existenta sin l'areal da la Pulvermühle, gist sper la Ringstrasse, duai il nov campus vegnir fabritgà. L'investiziun è per il comité PRO in'investiziun en il futur dal Grischun. In Na a quest project fiss – cun ils pleds da Jürg Kappeler – ina catastrofa.

Campagna per il Gea

audio
Lantschada da la campagna per il GEA per il nov campus da la FHGR
ord Actualitad dals 24.01.2023. Maletg: RTR
laschar ir. Durada: 4 minutas 4 Secundas.

L'Uniun da promoturs per la Scol'auta spezialisada dal Grischun a Cuira ha oz, ils 24 da schaner, lantschà la campagna per il Gea tar la votaziun. Sco che l'uniun scriva, saja ina scol'auta ferma impurtanta per il Grischun. L'investiziun saja ina per l'avegnir e la giuventetgna. La campagna per il Gea custa al comité radund 60'000 francs.

In comité encunter il project na datti actualmain betg.

Or da l'archiv

video
Nov bajetg per la FHGR
Or da Telesguard dals 25.10.2021.
laschar ir. Durada: 2 minutas 36 Secundas.

RTR actualitad 17:00

Artitgels legids il pli savens

Scrollar a sanestra Scrollar a dretga