La Val Calanca daventa bainbaud in Parc natiral regiunal. Dumengia han las quatter vischnancas pertutgadas tuttas approvà cleramain il project che duai tranter auter dar schlantsch al turissem ed a la cultura en la Val.
- Mesocco ha ditg Gea cun 100% da las vuschs.
- Rossa ha er ditg Gea cun 100% da las vuschs.
- Buseno ha ditg Gea cun 90%.
- Calanca cun 76%.
Il maina-fatschenta dal parc Henrik Bang è levgià, suenter che auters parcs sumegliants sajan vegnids refusads a l'urna, saja el cuntent ch'i dettia per l'emprima giada in tal parc a la vart dal sid da las alps.
audio
Mainfatschenta Henrik Bang davart sias speranzas per il parc e la regiun
ord RTR Audio dals 29.01.2023.
laschar ir. Durada: 22 Secundas.
Confederaziun e chantun avevan gia dà glisch verda al project e concedì ina contribuziun da 310'000 francs. Sche tut va tenor plan duai il parc regiunal vegnir realisà sin la fin da la stad da quest onn. El vegn ad esser l'emprim tal parc en la Svizra taliana.
