Siglir tar il cuntegn

Header

video
Cura ch’ils bajetgs sajettan ord la terra sco bulieus, lura èsi temp dal WEF
Or da Telesguard dals 05.01.2024.
laschar ir. Durada: 3 minutas 37 Secundas.
cuntegn

WEF 2024 Preparar il WEF senza restrenscher turists ed indigens

Tar Maurus Felber cumenzan las emprimas lavurs per il WEF schon il settember. Lura survegnan els var 150 dumondas da construcziun. El è inspectur da construcziun a Tavau ed è uschia responsabel per che las dumondas vegnian permessas e che tut vegnia suenter fatg correct. Gia il december èn grondas construcziuns vegnidas fatgas a Tavau. En l’emprima emna da schaner vai vinavant cun tut las construcziuns sin terren privat. Quai fa senn, pertge durant questa emna èn anc en viadi blers giasts a Tavau ed uschia è la vischnanca chargiada. Pia pon bleras butias anc restar avertas durant questa emna.

WEF, Davos
Legenda: Maurus Felber e Mirco Lietha durant las preparativas per il WEF a Tavau. RTR
Sch'ils gronds camiuns èn sin via e blocheschan ils passapes, han las persunas da chaminar ziczac e quai n'è betg agreabel.
Autur: Maurus Felber inspectur da construcziun Tavau

Uschia cumenzia pir in’emna avant il Forum economic mundial cun las lavurs sin via, sin ils passapes ed en butias. Mirco Lietha è responsabel da project dad intginas construcziuns per il WEF. El sto guardar che tut va correct è surtut era che tut vegn fatg ad ura.

La pli gronda difficultad è la logistica, cun quai che nus avain fitg bleras furniziuns. Pia che tut ils camiuns èn qua il mument gist e che tuts han plaz e stattan en il dretg lieu.
Autur: Mirco Lietha manader da project

I po vegnir stretg sin la Promenada a Tavau, per quai n'hajan betg tuts encletga.

RTR Telesguard 17:40

Artitgels legids il pli savens