Siglir tar il cuntegn

Header

audio
Ils hotels en il Grischun han cumenzà bain
Or da Actualitad dals 04.01.2022.
laschar ir. Durada: 3 minutas.
cuntegn

Hotellaria grischuna Meglra entschatta che spetgà

Ils hotels grischuns han cumenzà – sco las pendicularas er – bain la stagiun d'enviern. Bleras Svizras e Svizzers hajan fatg vacanzas en l’agen pajas e da l’exteriur sajan puspè dapli giasts vegnids, cunquai che las restricziuns da corona en Svizra èn main rigurusas ch'en l'exteriur.

audio
Ernst Wyrsch: Buna entschatta per hotels grischuns
ord RTR Audio dals 04.01.2022.
laschar ir. Durada: 21 Secundas.

Hotels grischuns hajan beneventà marcantamain dapli giasts che spetgà. Cumpareglià cun l'onn passà haja quai gì 15-17% dapli giasts, e cumpareglià cun il temp avant corona ch'è stada ina stagiun fitg ferma, 3-5% dapli giasts. Uschia la bilantscha che Ernst Wyrsch, il president da Hotellerie Suisse Grischun, ha fatg envers il schurnal regiunal da SRF.

La prognosa per la stagiun restanta mussa in plus da 5 fin 10% cumpareglià cun l'onn avant corona.
Autur: Ernst Wyrsch president Hotellerie Suisse Grischun

Las prognosas positivas per la stagiun d'enviern restanta sajan però da pigliar cun precauziun, di Ernst Wyrsch vinavant. Quai pervi da la situaziun d'omicron intscherta. Uschia avessan mesiras da corona pli rigurusas che pertutgan la gastronomia u territoris da skis svelt consequenzas negativas per ils hotels grischuns.

Situaziun intscherta tar persunal

Il revers da la medaglia sa mussia tar la situaziun da persunal, ha Ernst Wyrsch explitgà vinavant. Blers hotels hajan cumenzà la stagiun cun memia pauc persunal. La cumbinaziun da pauc persunal, quarantina suenter cas da corona e persunal ch'è uschiglio malsaun (p. ex. pervi da dafraid) na saja betg stada simpla. Singuls hotels hajan uschia stuì serrar u reducir la purschida sur Silvester.

RTR novitads 06:00

Artitgels legids il pli savens