- Il chantun Grischun duai sustegnair pli fitg ils ospitals regiunals ch'èn en pitgiras. Quai pretenda ina incumbensa or dal Cussegl grond ch'è vegnida surdada unanimamain a la regenza cun 97 vuschs. Actualmain portan bleras vischnancas ils defizits dals ospitals, savens saja quai però strusch supportabel. Per ch'il provediment da sanadad decentral possia era vegnir garantì en il futur duai il chantun ussa dar contribuziuns a fonds perdu.
- Il moviment dal grip sur il vitg da Brinzauls è anc ina giada creschì fermamain suenter la plievgia avant Tschuncaisma, quai communitgescha la vischnanca d'Alvra. L'emna passada haja ina giada dapli mussà quant sensibel che la grava reageschia sin plievgia intensiva. Perquai n'hajan ins betg pudì dar liber il vitg per far visitas sur la fin d'emna da Tschuncaisma. La situaziun restia tendida e privulusa ed ins na possia vinavant betg far prognosas precisas.
- Il Cussegl federal dat glisch verda al pachet da cunvegnas cun l'Uniun europeica e trametta quel en consultaziun fin la fin d'october. Il pachet è a partir dad immediat uschia accessibel publicamain. Fin l'atun pon partidas, partenaris socials, ils chantuns e las vischnancas uschia prender posiziun davart il pachet.
Il di en survista
Themen in diesem Newsticker
- Premias vegnan auzadas en la cuppa mundiala
- Sursaissa/Mundaun approva quint annual che serra cun gudogn
- Novas reglas per la maturitad professiunala
- Iran fa cunterattatga sin Israel cun tschients da rachetas
- Reacziuns sin ils contracts cun l'Uniun europeica
- Tour de Suisse: Reusser resta davant en classament general
- Israel attatga vinavant miras en l'Iran
- Cussegl federal trametta en consultaziun cunvegnas cun l'UE
- Grischun: Chantun duai sustegnair pli fitg ospitals
- SUVA sbassa premias