- Il project d'in nov hotel ed abitaziuns sin l'areal d'Acla da Fontauna a Mustér s'avanza – dentant pli plaun che planisà. La raschun saja ch'ins ha pir survegnì l'avrigl la davosa lubientscha da bajegiar, quai ch'haja retardà il project. La finiziun dal project è previs per il 2028, enstagl sco annunzià oriundamain l'entschatta 2027.
- La radunanza communala da Lostallo ha approvà in credit da 65'000 francs per la planisaziun d'in mir da protecziun per Sorte. La fracziun da la vischnanca è vegnida donnegiada fermamain avant in onn entras malauras – 20 persunas èn anc adina evacuadas. Il mir duai vegnir construì en il sidvest da Sorte, per part sin il territori da Grono. La vischnanca quinta cun investiziuns da 7 milliuns francs.
- Duas unitads da la SRG SSR han annunzià proximas mesiras da spargn. Uschia ha SRF, l’unitad da la Svizra tudestga, annunzià da stritgar 66 plazzas cumplainas. La finamira saja da spargnar en tut 12 milliuns francs fin la fin da quest onn. Era RTS, l’unitad da la Svizra franzosa, ha annunzià da stritgar tranter 60 e 70 plazzas cumplainas fin il 2026.
- Protestas e recurs retardeschan il pli savens novs projects da construcziun d’abitaziuns. A questa conclusiun vegn in studi per incumbensa da la Confederaziun. Il pli alarmant saja che protestas e recurs vegnian malduvradas per retardar projects da bajegiar u per metter sut squitsch ils patruns da construcziun – han avertì ils experts dumandads.
Il di en survista:
Themen in diesem Newsticker
- Sviluppader da vaccins Janssen a Berna sto forsa serrar
- Macron e Putin discurran davart l'Ucraina
- Fin a 12 dis da venditas da dumengias
- Cumissiun dal Cussegl naziunal è cunter refurma tar La Posta
- Il zercladur è stà chalira en Svizra
- Stadis Undis: senat accepta stgars lescha da taglia
- Evacuaziuns en il Tirol pervia da malauras
- Germania ha arrestà burgais dal Danemarc pervi da spiunascha
- UE: nova autoritad encunter lavada da daners
- Il HCD survegn sustegn en l'offensiva