- Al cler Gea da Falera suonda in cler Gea da Laax a la cumpra da l'infrastructura da l'Arena Alva. Flem decida la dumengia.
- Sagogn ha puspè ina suprastanza cumpletta. Suenter trais demissiuns n'eri betg reussì da chattar candidatas e candidats uschia ch'il chantun aveva tramess in cumissari sco sustegn. Sia lavur è uss a fin.
- Ils commembers da la Skateline Alvra han decis da schliar l'uniun. Per l'ina pervi da difficultads da chattar commembers sco er gidanters e gidantras. Per l'autra dettia er obstachels giuridics. La via da glatsch tranter Alvagnì e Surava è stada averta l'ultima gaida l'enviern avant 5 onns.
- Samedan sustegn la nova cunvegna per la promoziun da cultura en la regiun Malögia. Uschia s'augmenta il preventiv annual per la cultura da 150'000 francs sin 220'000 francs. Samedan surpiglia la cumpart tenor la clav da repartiziun regiunala che vegn actualisada mintg'onn.
- Il sviament da Sta. Maria en Val Müstair è in pass pli lunsch. La Confederaziun ha dà glisch verda per adattar il plan directiv chantunal. Quai ch'i dovra per realisar il sviament. Uss pon las lavurs da projectar ed optimar cuntinuar.
Themen in diesem Newsticker
- Stadis unids augmentan preschientscha en la Caribica
- Infrastructura Arena Alva – cler Gea era da Laax
- Tavau gudogna ordaifer cunter Ajoie cun 4:2
- Success per las ballapedistas svizras
- Hamas pronta per surdar il timun
- Partida populara è cunter l'Iniziativa da servetsch civic
- Decisiun infrastructura Arena Alva – sala pli che plaina a Laax
- Provinzas enturn las Alps vulan collavurar pli intensiv
- Stadis Unids attatgan vinavant bastiments en la Caribica
- Uffants da Gaza arrivan en Svizra per agid medicinal
In sguard enavant
- Sonda cumenza la nova stagiun da la cuppa mundiala da skis cun il slalom gigant a Sölden. Da la partida è tranter auter er la skiunza engiadinaisa Vanessa Kasper e quai puspè en il cader da Swiss Ski suenter ch'ella aveva fatg ina stagiun sur sa sezza.