- Bronz per Ginia Caluori tar l'elita da cross country als campiunadis svizzers da mountainbike a Savognin. En sia prima stagiun tar l'elita ha la giuvna da Panaduz be stuì laschar vargar las favoritas Sina Frei (2.) ed Alessandra Keller (1.).
- Nagut cun medaglias èsi stà tar ils umens grischuns Nino Schurter e Vital Albin. Schurter ha manchentà ses 10avel titel da campiun svizzer sin plazza nov cun in retard da passa trais minutas sin il victur e defensur dal titel Filippo Colombo. Vital Albin è daventà 14avel. Cumplettà il podest han e Fabio Püntener (2.) Luca Schätti (3.) .
- L'ensemble vocal Consonus cun chantadurs dal Grischun, da la Svizra Orientala, da Turitg e da Lucerna ha gudagnà la concurrenza da chanzuns popularas al festival internaziunal da chors a Spittal/Drau en l'Austria. En tut sa mesiran set chors da set differents pajais.
- En la catedrala da Son Gagl è Beat Grögli vegnì ordinà sco nov uvestg da l'uvestgieu da Son Gagl. Cun l'ordinaziun è el liturgicamain en ses uffizi e po surpigliar tut las obligaziuns e lavurs. Igl era enconuschent dapi ils 22 da matg che Beat Grögli daventia nov uvestg. El succeda a Markus Büchel che va en pensiun.
- Il minister da giustia, cusseglier federal Beat Jans vul proteger meglier dunnas da violenza. Nagin delict chaschunia dapli victimas che la violenza cunter dunnas, ha ditg Jans envers la Schweiz am Wochenende. Perquai saja temp da reagir. El vul tranter auter in monitoring electronic ed in sistem cun lioms electronics per delinquents.
Il di en survista
Themen in diesem Newsticker
- Consonus gudogna concurrenza internaziunala da chors
- Euro 2025: Frantscha gudogna cunter l'Engalterra
- Atletica leva: Nov record mundial sur 5'000 meters
- Jörg Abderhalden è da nov en il presidi da Swiss Ski
- Collisiun cun in auto fraina tren da la SBB cun 470 persunas
- Temu ha plans per vender mangiativas en Svizra
- Tenor l'ONU escalescha la situaziun en l'Ucraina
- Euro 2025: Pajais bass battan Wales cun 3:0
- Beachvolley a Gstaad: Omadus duos svizzers en il mezfinal