- L'incendi ch'ha destruì l'ustaria a Foppa dal tuttafatg l'onn passà saja tenor la vischnanca da Flem stà chaschunà pervia d'ina negligientscha d'in lavurer durant la sanaziun da l'ustaria – pia nagin'intenziun. Cunquai avess l'assicuranza da pajar per ils donns.
- L'uniun dal Parc Ela va a la tschertga d'ina nova directura u in nov directur. Veronika Widmann – ch'è dapi il 2023 la suletta directura – veglia ir novas vias e betg turnar pli en ses uffizi suenter la pausa da maternitad, scriva il Parc Ela.
- A Cuira èn ils responsabels cuntents cun il «Churerfescht» da quai onn. I quintan che bunamain 100'000 persunas han visità la festa dal venderdi fin la dumengia. Tenor Fabio Adank, il president dil comité d'organisaziun, e la polizia ca Cuira n'haja dà nagins incaps pli gronds.
- Elmar Fallet da Müstair è daventà dubel campiun grischun cun la pistola al campiunadi grischun a Cuira.
Themen in diesem Newsticker
- L'incendi tarment en Frantscha è per gronda part stizzà
- Las Svizras manchentan campiunadi europeic da ballarait
- Terratrembel en la Tirchia
- Pfister è avert da cumprar vinavant armas dals Stadis Unids
- Bunamain 100'000 visitaders al Churerfest
- World Games en China: ulteriuras medaglias per la Svizra
- Colonnas sin plirs tschancuns da l'A13
- Frantscha vul stritgar dus dis firads
- Hausheer succeda a Pfister sco nov cusseglier guvernativ da Zug
- L'incendi da l'ustaria a Foppa saja capità per negligientscha