Il guaud da Puzzastg sur il vischinadi da Surrein en la vischnanca da Sumvitg survegn ina saiv da protecziun. Quai per pussibilitar ina regiuvinaziun.
Suenter las malauras dal zercladur sentian ins tenor il president communal Nicola Giudicetti a Lostallo en cas da blera plievgia anc ina tscherta malsegirtad en la populaziun. La plievgia actuala n'haja betg chaschunà donns.
Las autostradas en Svizra sajan en blers lieus adina puspè surchargiadas e stuppadas. Quai tenor il minister da traffic Albert Rösti, ch'ha preschentà ils arguments dal Cussegl federal per schlarigar la rait d'autostradas.
Il Premi Nobel da litteratura da quest onn va a l'autura sidcoreana Han Kang. Han Kang ha 54 onns ed è creschida si en ina famiglia da litterats. Era ses bab Han Seung-won è in scriptur enconuschent.
