- La Ems Chemie ha fatg en l'emprim semester dal 2025 pli pauca svieuta, dentant gudagnà dapli. Sco quai che l'interpresa scriva, saja la svieuta sa reducida per 6,2% sin 1,02 milliardas francs. Ils motivs sajan tranter auter ils conflicts politics e la malsegirtad sin l'entir mund. Persuenter è creschì en l'emprim semester da l'onn il gudogn, quai per 1,4% sin 296 milliuns francs (EBIT). Motiv sajan fatschentas novas e l'augment d'effizienza.
- La Polizia chantunala grischuna ha arrestà tschintg umens che faschevan fatschentas cun cocain. Dapi la primavaira era la polizia vid investigar en chaussa, scriva ella en ina communicaziun. La finala haja ella pudì tschiffar tschintg umens tranter 20 e 33 onns che eran en possess da cocain e faschevan fatschentas en il chantun Grischun ed il chantun Son Gagl. Vendì hajan els la droga cunzunt en la citad da Cuira. En total ha la polizia confiscà prest 250 grams cocain.
- En l’Andorra ha Alessandra Keller pudì festivar sia emprima victoria da la stagiun en la cuppa mundiala. Keller ha gudagnà la cursa da short track avant la Brita Evie Richards. En la cursa da short track dals umens hai dà ina victoria franzosa entras Luca Martin. En la cursa da short track da la cuppa mundiala dals umens è Filippo Colombo stà il meglier Svizzer. El è vegnì quart. Nino Schurter è vegnì 10avel.
Il di en survista:
Themen in diesem Newsticker
- Euro: Svizra frunta en il quartfinal sin la Spagna
- Ditaji Kambundji cuntanscha plazza 2 a Monaco
- Stadis Unids furneschan puspè armas en l'Ucraina
- Alcaraz è per la terza giada en roda en il final a Wimbledon
- USA: Reducziun da persunal massiva en il ministeri da l'exteriur
- Tessin fa proposta per sbassar pretschs da medicaments
- Zalando ha surpiglià About You
- Tour de France: Tadej Pogacar gudogna er la 7avla etappa
- Frantscha: Passa 100 persunas èn najadas entaifer in mais
- Commemoraziun a Srebrenica