Novitads dals 23-10-2024 - Nov lieu per local da consum controllà da drogas a Cuira
Il local da consum per persunas dependentas da drogas a Cuira duai vegnir realisà en il Welschdörfli, la regenza grischuna sto s'occupar da la finanziaziun dals ospitals e Mario Cavigelli sa retira sco president dal cussegl administrativ da la Rhiienergie.
Il local da consum per persunas dependentas da drogas a Cuira na vegn tuttina betg realisà a la Sägenstrasse. La citad da Cuira è sa decidida per il Welschdörfli e l’edifizi da l’anteriur club Palazzo. In dals avantatgs è tenor la citad da Cuira ch’il nov lieu saja pli datiers dal Stadgarten, là nua che la scena da drogas è il mument.
Il Cussegl grond ha tractà oz duas incumbensas che pertutgan la finanziaziun d’ospitals. Surdà han las deputadas ed ils deputads la fin finala mo ina. Quai munta che la regenza sto s’occupar cun la finanziaziun a curta ed a lunga vista.
Mario Cavigelli sa retira sco president dal cussegl administrativ da la Rhiienergie, la raschun è in conflict d’interess. Dapi curt è l’anteriur cusseglier guvernativ represchentant dals chantuns en il cussegl administrativ da Swissgrid, la societad naziunala da la rait da transmissiun.
Themen in diesem Newsticker
My Hockey League – Arosa po festivar ina victoria
Il suveran duai decider sur da la cumpra da l’Areal Maissen
Dapli che 100 arrestaziuns pervi da engion cun victualias
Grazia a l’avantatg al lieu – Wawrinka è en l’otgavel final
Il Belarus elegia il schaner il president
Sentenzia senza chasti per cader da las pendicularas d'Arosa
A l'FC Lucerna smanatscha la serrada dal sectur da chasa
Credit da 50 milliardas dollars per l'Ucraina
Quatter persunas mortas pervida attatga en la Tirchia
Truppas nordcoreanas en la Russia fan quitads a regenza americana
