Siglir tar il cuntegn

Header

autos da pumpiers ed in'ambulanza davant in bajetg
Legenda: MAD, Polizia chantunala
cuntegn

Incendi a Cuira 30 persunas evacuadas

A Cuira han radund 30 persunas stuì vegnir evacuadas venderdi saira. Quai pervi dad in incendi al plaunterren dad ina chasa en la Gäuggelistrasse.

Sco la Polizia chantunala scriva, hajan las persunas pertutgadas l’emprim pudì ir en ina halla da gimnastica e lura en in restaurant. Suenter che ventilaturs hajan liberà la chasa dal fim, hajan las persunas puspè pudì turnar en lur abitaziuns. Radund 40 pumpiers sajan stads en acziun.

Il donn material muntia a plirs 100'000 francs. Spezialists da la Polizia chantunala intercureschan la causa dal fieu.

pumpier en ina stanza barschada
Legenda: MAD, Polizia chantunala
audio
Per tadlar: Las novitads da las 14:00
ord RTR Audio dals 04.12.2021.
laschar ir. Durada: 2 minutas 28 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga