Legenda:
Il deposit era vid arder cumplettamain cura ch'ils pumpiers èn arrivads.
Polizia chantunala
La Polizia chantunala ha survegnì ier saira tard l'annunzia ch'i ardia en la zona d'industria Obermühle a Landquart. Cura ch'ils pumpiers sajan arrivads al lieu, haja il deposit gia brischà cumplainamain. Ma ins ha lura pudì stizzar il fieu. Il deposit sco era il material ed ils vehichels en quel èn vegnids destruids cumplainamain dal fieu. Il donn material è tar plirs dieschmilli francs. La Polizia chantunala investighescha en chaussa.
Privel d'incendi grond
Per il nord dal chantun Grischun, ed uschia er per la regiun da Landquart, vala in grond privel da fieu, stgalim 4. Quai pervi da la lunga perioda da sitgira.
